| Li cors* li met e le fer e le fust**.
|
*Dans le corps. **Bois.
|
| Morz est li quens, de sun tens* n'i ad plus.
|
*Le comte, de sa vie.
|
| Dient Franceis : « Barun, tant mare fus* ! » [AOI.]
|
*Combien malheureux tu fus !
|
CXXII. ( => O. )
|
| Par le camp vait* Turpin li arcevesque ;
|
*Par le champ va.
|
| Tel coronet* ne chantat unches messe,
|
*Tonsuré.
|
| Ki de sun cors féist tantes* proecces,
|
*Tant de.
|
| Dist al paien : « Deus tut mal te tramette !
|
*Transmette.
|
| Tel ad ocis dunt al coer me regrette*. »
|
*Au cœur j'ai regret.
|
| Sun bon ceval i ad fait esdemetre* ;
|
*Partir.
|
| Si l'ad férut sur l'escut de Tulette*,
|
*Tolède.
|
| Que mort l'abat desur le herbe verte. [AOI.]
|
|
CXXIII. ( => O. )
|
| Del altre part est un paien Frandonies,
|
|
| Filz Capuel le rei, de Capadoce neez ;
|
|
| Siet el cheval que il cleimet* Marmorie,
|
*Appelle.
|
| Plus est isnels* que n'est oisel ki volet ;
|
*Rapide.
|
| Laschet la resne, des esperuns le brochet*,
|
*Le pique.
|
| Si vait férir* Gérin par sa grant force ;
|
*Et va frapper.
|
| L'escut vermeill li freint*, de[l] col li portet**.
|
*Lui brise. **Du cou lui emporte.
|
| Aprof li ad sa bronie desclose* ;
|
*Après lui a sa cuirasse ouverte.
|
| El cors* li met tute l'enseingne bloie**,
|
*Dans le corps. **Bleue.
|
| Que mort l'abat en une halte roche.
|
|
| Sun cumpaignun Gerers ocit uncore
|
|
| E Beregner e Guiun de Seint-Antonie ;
|
|
| Puis vait férir* un riche duc Austorie,
|
*Puis va frapper.
|
| Ki tint Valeri e Envers sur le Rosne.
|
|
| Il l'abat mort, paien en unt grant joie.
|
|
| Dient Franceis : « Mult déchéent li nostre. » [AOI.]
|
|
CXXIV.
|
| [L]i quens* Rollans tint s'espée sanglente,
|
*Le comte.
|
| Ben ad oït que Franceis se démentent* ;
|
*Se lamentent.
|
| Si grant doel ad que parmi quiet* fendre.
|
*Par le milieu il croit (qu'il va) fendre.
|
| Dist al paien : « Deus tut mal te consente !
|
|
