La Chanson de Roland/Francisque Michel/1869/Roland/Page 47

De Wicri Chanson de Roland

Chanson de Roland, laisses CXV à CXVII


 
 

FPM, Chanson de Roland (1869) F. Michel, page de titre.jpg
 
La Chanson de Roland

et le roman

de Roncevaux
  Feuillet manuscrit inséré avant la page titre.
Préface
Le texte

Dans la liste ci-dessous les pages sont repérées par la première laisse. Les laisses surlignées sont celles qui comportent des annotation de la main de Paul Meyer.

page précédente - page suivante
Previous CDR.png Next CDR.png

Le texte

Vait le férir en l'escut à miracle* :  *Va le frapper en l'écu peint.
Pierres i ad, amétistes e topazes,
Esterminals et carbuncles ki ardent* ;  *Escarboucles qui jettent un éclat de feu.
En Val-Metas li dunat uns diables,
Si l'i tramist li amiralt$ Galafes.  *Et l'y transmit l'émir.
Turpins i fiert, ki nient ne l'espairgnet* ;  *Qui nullement ne l'épargne.
Enprès sun colp ne quid* que un dener vaillet.  *Après son coup je ne crois pas.
Le cors li trenchet très l'un costet qu'al altre*,  *D'un côté jusqu'à l'autre.
Que mort l'abat en une void place.
Dient Franceis : « Ci ad grant vasselage* :  *Il y a ici grande prouesse.
En l'arcevesque est ben la croce salve*. [AOI.]  *La crosse sauve.

CXVI.
Franceis veient que paiens i ad tant,
De tutes parz en sunt cuvert li camp* ;  *Les champs.
Suvent* regretent Oliver e Rollant,  *Souvent.
Les .xii. pers qu'il lor seient guarant* ;  *Qu'ils leurs soient protecteurs.
E l'arcevesque lur dist de sun semblant* :  *Leur fait part de son opinion.
« Seignors barons, n'en alez mès pensant.
Pur Deu vos pri que ne seiez fuiant,
Que nuls prozdom malvaisement n'en chant* ;  *Qu'aucun preux n'en chante mauvaisement.
Asez est mielz que moerium cumbatant*.  *Il est beaucoup mieux que mourions combattants.
Pramis* nus est, fin prendrum aïtant** ;  *Promis. **En ce moment.
Ultre cest jurn* ne serum plus vivant ;  *Après ce jour.
Mais d'une chose vos soi-je* bien guarant :  *Suis-je.
Seint paréis* nos est abandunant,  *Paradis.
As* Innocenz vos en serez séant. »  *Avec les.
A icest mot si s'esbaldissent* Franc ;  *Se réjouissent.
Cel n'en i ad Munjoie ne demant*. AOI.  *Il n'y a nul qui M. ne demande.

CXVII.
Un Sarrazin i out* de Sarraguce ;  *Il y eut.
De la citet l'une meitet est sue* :  *Sienne.
Ço est Climborins, ki pas ne fut produme* ;  *Homme de bien.
Fiance* prist de Guenelun le cunte,  *Engagement.
Par amistiet l'en baisat en la buche,
Si l'en dunat s'espée e s'escarbuncle*.  *Et lui en donna son épée et son escarboucle.
Tere major*, ço dit, metra à hunte,  *La grande terre, l'Espagne.


 
RCR 543952103 85137 Page 087.jpg