| Guardet* aval e si guardet amunt,
|
*Regarde.
|
| Sur l'erbe verte, ultre* ses cumpaignuns ;
|
*Outre.
|
| Là veit gésir le nobilie* barun :
|
*Noble.
|
| Ço est l'arcevesque que Deus mist en sun num :
|
|
| Cleimet* sa culpe, si reguardet amunt,
|
*Il proclame.
|
| Cuntre le ciel amsdous ses mains* ad juinz,
|
*Ses deux mains.
|
| S[i] priet Deu que paréis li duinst*.
|
*Paradis lui donne.
|
| Par granz batailles e par mult bels sermons
|
|
| Cuntre paiens fut tuz tens* campiuns :
|
*Toujours.
|
| Deus li otreit * la sue béneiçun ! AOI.
|
*Octroie (subj.).
|
CLXVII.
|
| Li quens Rollans veit* l'ar[ce]vesque à tere,
|
*Voit.
|
| Defors* sun cors veit gésir la buele*,
|
*Dehors. **Les boyaux.
|
| Desuz* le frunt li buillit la cervele ;
|
*Dessous.
|
| Desur sun piz*, entre les dous furceles**,
|
*Poitrine. **Clavicules.
|
| Cruisiedes* ad ses blanches [mains], les beles ;
|
*Croisées.
|
| Forment le pleignet à la lei* de sa tere :
|
*Façon.
|
| « E ! gentilz hom, chevaler de bon aire*,
|
*De bonne race.
|
| Hoi te cumant* al Glorius célestre ;
|
*Aujourd'hui (je) te recommande.
|
| Jamais n'ert hume* plus volenters le serve,
|
*Ne sera homme qui.
|
| Dès les Apostles ne fut hom tel prophète
|
|
| Pur lei tenir e pur humes atraire*.
|
*Attirer.
|
| Jà la vostre anme n'en ait [nule] sufraite* !
|
*Souffrance.
|
| De paréis* li seit la porte uverte ! [AOI.]
|
*Paradis.
|
CLXVIII.
|
| Ço sent Rollans que la mort li est près,
|
|
| Par les oreilles fors se ist* la cervel ;
|
*Dehors sort.
|
| De ses pers priet Deu que 's apelt*,
|
*Que les appelle.
|
| E pois de lui el angle* Gabriel.
|
*Et après lui à l'ange.
|
| Prist l'olifan*, que reproce n'en ait,
|
*Le cor.
|
| E Durendal s'espée en l'altre main ;
|
|
| D'un arbaleste ne poet traire un quarrel* ,
|
*Tirer un carreau.
|
| Devers Espaigne en vait* en un guaret**,
|
*S'en va. **Guéret.
|
| Muntet sur un tertre desuz* un arbre bele ;
|
*Sur.
|
| Quatre perruns i ad de marbre faite ;
|
|
| Sur l'erbe verte si est caiet* envers,
|
*Chu, tombé.
|
| Là s'est pasmet ; kar la mort li est près.
|
|
