La Chanson de Roland/Francisque Michel/1869/Roland/Page 59

De Wicri Chanson de Roland

Chanson de Roland, laisses CXLII à CXLIV


 
 

FPM, Chanson de Roland (1869) F. Michel, page de titre.jpg
 
La Chanson de Roland

et le roman

de Roncevaux
  Feuillet manuscrit inséré avant la page titre.
Préface
Le texte

Dans la liste ci-dessous les pages sont repérées par la première laisse. Les laisses surlignées sont celles qui comportent des annotation de la main de Paul Meyer.

page précédente - page suivante
Previous CDR.png Next CDR.png

Le texte

E de m'espée enquoi saveras* le nom. »  *Aujourd'hui sauras.
Vait le férir en guise de baron*,  *Va le frapper.
Trenchet li ad li quens le destre poign*.  *Le comte le poing droit.
Puis prent la teste de Jurfaleu le blund :
Icil ert* filz al rei Marsiliun.  *Celui-là était.
Paien escrient : « Aïe-nos, Mahum* !  *Aide-nous, Mahomet !
Li nostre deu, vengez-nos de Carlun !
En ceste tere nus ad mis tels féluns.
Jà pur murir le camp ne guerpirunt*. »  *Déguerpiront le champ (de bataille).
Dist l'un al altre : « E ! car nos enfuiums ! »
A icest mot tels .c. milie s'en vunt,
Ki que's rapelt*, jà n'en returnerunt. AOI.  *Qui qui les rappelle.

CXLIII.
De ço qui calt*, fuit s'en est Marsilies ;  *Qu'importe.
Remés* i est sis** uncles Marganices  *Resté. **Son.
Ki tint Kartagene al frère Garmalie,
E Ethiope une tere maldite,
La neire gent en ad en sa baillie* ;  *Son gouvernement.
Granz unt les nés e lées* les oreilles,  *Larges.
E sunt ensemble plus de cinquante milie.
Icil chevalchent fièrement e à ire*,  *En colère.
Puis escrient l'enseigne paenime*.  *Des païens.
Ço dist Rollans : « Ci receverums ma[r]tyrie,
E or sai ben n'avons guaire à vivere ;
Mais tut seit fel cher ne se vende primes*.  *M. tout soit félon (qui) cher ne se vende d'abord.
Férez, seignurs, des espées furbies !
Si calengez* e vos mors e voz vies,  *Et disputez.
Que dulce France par nus ne seit hunie.
Quant en cest camp* vendrat Carles mi sire,  *En ce champ.
De Sarrazins verrat tel discipline*,  *Carnage.
Cuntre un des noz en truverat morz .xv.,
Ne lesserat que nos ne bénéisse. » AOI.

CXLIV.
Quan[t] Rollans veit la contredite* gent  *Mécréante.
Ki plus sunt neirs que n'en est arrement*,  *Encre.
Ne n'unt de blanc ne mais que sul* les denz,  *Si ce n'est seulement.


 
RCR 543952103 85137 Page 099.jpg