| « Ami Rollans, de tei ait Deus mercit !
|
|
| Unques nuls hom tel chevaler ne vit
|
|
| Por granz batailles juster et défenir*.
|
*Livrer et finir.
|
| La meie honor* est turnet en déclin ! »
|
*La mienne terre.
|
| Carles se pasmet, ne s'en pout asternir. AOI.
|
|
CCVII.
|
| Carles li reis revint de pasmeisuns,
|
|
| Par les mains le tienent .iii. de ses barons.
|
|
| Guarde* à tere, ves** gésir sun nevuld :
|
*Regarde. **Voit.
|
| Cors ad gaillard, perdue ad sa culur ;
|
|
| Turnez ses oilz*, mult li sunt ténébros.
|
*Yeux.
|
| Carles le pleint par feid* e par amur :
|
*Foi.
|
| « Ami Rollans, Deus metet t'anme* en flors
|
*Mette ton âme.
|
| En paréis*, entre les glorius !
|
*Paradis.
|
| Cum en Espaigne venis* mal, seignur !
|
*Vins.
|
| Jamais n'ert jur* de tei n'aie dulur.
|
*J. ne sera jour que.
|
| Cum décarrat* ma force e ma baldur** !
|
*Décherra, tombera. **Joie.
|
| Ne n'aurai jà ki sustienget m'onur*,
|
*Soutienne mon honneur.
|
| Suz ciel ne quid* aveir ami un sul ;
|
*Sous ciel je ne crois.
|
| Se jo ai parenz, n'en i ad nul si proz. »
|
|
| Trait ses crignels* pleines ses mains amsdous**.
|
*Tire ses cheveux. **Ses deux mains.
|
| Cent milie Franc en unt si grant dulur,
|
|
| N'en i ad cel ki durement ne plurt*. AOI.
|
*Pleure.
|
CCVIII.
|
| « Ami Rollans, jo m'en irai en France ; »
|
|
| Cum jo serai à Loün, en ma chambre,
|
*Laon.
|
| De plusurs règnes* vendrunt li hume estrange** ;
|
*Royaumes. **Étrangers.
|
| Demanderunt ù est li quens cataignes*.
|
*Capitaine.
|
| Jo lur dirai qu'il est morz en Espaigne ;
|
|
| A grant dulur tendrai puis mun reialme*,
|
*Royaume.
|
| Jamais n'ert* jur que ne plur ne n'en pleigne. [AOI.]
|
*Ne sera.
|
CCIX.
|
| « Ami Rollans, prozdoem, juvente* bele,
|
*Prud'homme, jeunesse.
|
| Cum jo serai à Eis* en ma chapele,
|
*À Aix.
|
