| Ki tuit dient : « Tant mare fustes, ber*!
|
*Pauvre baron !
|
| En la cort al rei mult i avez ested ;
|
| Noble vassal vos i solt-hom clamer*.
|
*Avait-on. coutume de vous proclamer.
|
| Ki ço jugat que doüsez* aler,
|
*Dussiez.
|
| Par Charlemagne n'ert guariz ne tensez*.
|
*Garanti, ni protégé.
|
| Li quens Rollans ne l' se doüst* penser
|
*Ne le dût penser.
|
| Que estrait estes de mult grant parented. »
|
| Enprès li dient* : « Sire, car** nos menez. »
|
*Puis ils lui disent. **Donc.
|
| Ço respunt Guenes : « Ne placet danne-Deu* !
|
*A Dieu ne plaise !
|
| Mielz est que sul moerge* que tant bon chevaler.
|
*Mieux est que seul je meure.
|
| En dulce France, seignurs, vos en irez,
|
| De meie part ma muiller* saluez
|
*De ma part ma femme.
|
| E Pinabel mun ami e mun per,
|
| E Baldewin mun filz que vos savez,
|
| E lui aidez, e pur seignur le tenez. »
|
| Entret en sa veie, si s'est achiminez*. AOI.
|
*Il entre en sa voie, et il s'est mis en route.
|
XXVIII.
|
| Guenes chevalchet suz* une olive halte,
|
*Chevauche sous.
|
| Asemblet s'est as sarrazins messag[es] * ;
|
*Messagers.
|
| Mais Blancandrins, ki envers lu s'atarget*,
|
*Qui vers lui se retarde.
|
| Par grant saveir parolet* li uns al altre.
|
*Parle.
|
| Dist Blancandrins : « Merveillus hom est Charles,
|
| Ki cunquist Puille e trestute* Calabre.
|
*La Pouille el toute.
|
| Vers Engletere passat-il la mer salse*,
|
*Salée.
|
| Ad oès seint Père en cunquist le chevage*
|
*Au bénéfice de S. Pierre en conquit la capitation.
|
| Que nus requert* ça en la nostre marche**. ».
|
*Requiert. **Frontière.
|
| Guenes respunt : « Itels* est sis curages,
|
*Tel.
|
| Jamais n'ert* hume ki encuntre lui vaille. » AOI.
|
*Ne sera.
|
XXIX.
|
| Dist Blancandri[ns] : « Francs sunt mult gentilz home ;
|
| Mult grant mal funt e [cil*] duc e cil cunte
|
*Ces.
|
| A lur seignur, ki tel cunseill li dunent ;
|
| Lui e altrui travaillent e cunfundent. »
|
| Guenes respunt : « Jo ne sai veirs* nul hume,
|
*Vraiment.
|
| Ne mès* Rollant ki uncore en averat** hunte.
|
*Si ce n'est. **Aura.
|
| Er matin sedeit* li emperère suz l'umbre ;
|
*Hier matin était assis.
|
| Vint-i ses niés*, out vestue sa brunie**,
|
*Son neveu. ** Cuirasse, cotte de mailles.
|
