Del brant d'acer l'amure* li présentet,
|
*De l'épée d'acier la lame.
|
[D]esur le frunt li ad faite descendre,
|
|
[E]n mi le vis* li ad faite descendre :
|
*Au milieu du visage.
|
[L]a destre joe* en ad tute sanglente,
|
*La joue droite.
|
[L']osberc desclot josque par sum le* ventre.
|
*Jusque par le haut du.
|
Deus le guarit* que mort ne l'acraventet**. AOI.
|
*Garantit. **Le terrasse.
|
CCXCI.
|
Ço veit Tierris que el vis est férut*,
|
*Au visage est frappé.
|
Li sancs tuz clers en chiet el pred* herbus ;
|
*Choit dans le pré.
|
Fiert* Pinabel sur l'elme d'acer brun,
|
*Frappe.
|
Jusqu'al nasel li ad f[r]ait* e fendut ;
|
*Brisé.
|
Del chef* li ad le cervel espandut.
|
*De la tête.
|
Brandit sun colp*, si l'ad mort abatut.
|
*Son coup.
|
A icest colp est li esturs* vencut.
|
*Combat.
|
Escrient Franc : « Deus i ad fait vertut*.
|
*Miracle.
|
Asez est dreiz que Guenes seit pendut,
|
|
E si parent ki plaidet une pur lui. » AOI.
|
|
CCXCII.
|
Quant Tierris ad vencue sa bataille,
|
|
Venuz i est li emperère Carles,
|
|
Ensembl'od* lui de ses baruns quarante :
|
*Ensemble avec lui.
|
Naimes li dux, Oger de Danemarche,
|
|
Geifrei d'Anjou e Willalme de Blaive*.
|
*Blaye.
|
Li reis ad pris Tierri entre sa brace*,
|
*Ses bras.
|
Tert-lui le vis od* ses granz pels** de martre,
|
*Essuie-lui le visage avec. **Peaux.
|
Celes met jus*, puis li afublent altres,
|
*Bas.
|
Mult suavet* le chevaler désarment,
|
*Doucement.
|
[Munter l'unt] fait en une mule d'Arabe* ;
|
*D'Arabie.
|
Repairet-s'en à joie e à barnage* ;
|
*Retourne s'en avec joie et avec sa suite de barons.
|
Vienent ad Ais, descendent en la place ;
|
|
Dès or* cumencet l'ocisium des altres. [AOI.]
|
*Dès à présent.
|
CCXCIII.
|
Carles apelet ses cuntes e ses dux :
|
|
« Que me loez* de cels qu'ai retenuz ?
|
*Conseillez-vous.
|