Franceis descendent, à tere se sunt mis ;
|
|
E l'arcevesque de Deu les bénéist,
|
|
Par pénitence les cumandet à férir. [AOI.]
|
*Leur commande de frapper.
|
XC.
|
Franceis se drecent, si se* metent sur piez,
|
*Et se.
|
Ben sunt asols* e quites de lurs pecchez ;
|
*Absous.
|
E l'arcevesque de Deu les ad seignez*,
|
*Signés, bénis.
|
Puis sunt muntez sur leur curanz destrers ;
|
|
Adobez sunt à lei de* chevalers,
|
*Comme des.
|
E de bataille sunt tuit apareillez*.
|
*Préparés.
|
Li quens Rollans apelet* Oliver :
|
*Le comte R. appelle.
|
« Sire cumpainz*, mult ben le saviez
|
*Compagnon.
|
Que Guenelun nos ad tuz espiez* ;
|
*Nous a tous trahis en espion.
|
Pris en ad or e aveir e deners.
|
|
Li emperère nos devreit ben venger.
|
|
Li reis Marsilie de nos ad fait marchet ;
|
|
Mais as espées l'estuverat esleger*. » AOI.
|
*Mais avec les épées il le faudra payer.
|
XCI.
|
As porz* d'Espaigne en est passet Rollans.
|
*Aux passages.
|
Sur Veillantif, sun bon cheval curant,
|
|
Portet ses armes : mult li sunt avenanz* ;
|
*Lui vont très-bien.
|
Mais sun espiet vait li bers palmeiant*,
|
*Va le baron maniant.
|
Cuntre le ciel vait l'armure* turnant,
|
*Va la lame.
|
Laciet en su[m]* un gunfanun tut blanc ;
|
*Lacé en haut.
|
Les renges* [d'or] li batent josqu'as mains :
|
*Rubans, cordons.
|
Cors ad mult gens, le vis* cler e riant.
|
*Visage.
|
Sun cumpaignun après le vait suiant*,
|
*Suivant.
|
E cil de France le cleiment à guarant* ;
|
*L'invoquent comme protecteur.
|
Vers Sarrazins reguardet* fièrement,
|
*Il regarde.
|
E vers Franceis humeles e dulcement* ;
|
*Humble et doucement.
|
Si lur ad dit un mot curteisement :
|
|
« Seignurs barons, suef* pas alez tenant.
|
*Doux.
|
Cist* paien vont grant martirie quérant ;
|
*Ces.
|
Encoi averum un eschec* bel e gent :
|
*Aujourd'hui aurons un butin.
|
Nuls reis de France n'out unkes si vaillant. »
|
|
A cez paroles vunt les oz ajustant*. AOI.
|
*Les troupes vont s'assembler.
|