Escuz unt genz e espiez* granz e forz
|
*Épieux.
|
E gunfanuns blancs e vermeilz e blois*,
|
*Bleus.
|
Ès destrers muntent tuit li barun del ost*,
|
*De l'armée.
|
Brochent ad ait* tant cum dure li port.
|
*Piquent à l'envi.
|
N'i ad celoi al altre ne parolt* :
|
*Il n'y a personne qui ne parle à l'autre.
|
« Se véissum* Rollant einz* qu'il fust mort,
|
*Si nous vissions. **Avant.
|
Ensembl'od lui i durriums* granz colps. »
|
*Ensemble avec lui y donnerions.
|
De ço qui calt ? Car demuret i unt trop. [AOI.]
|
*N'importe.
|
CXXXVII.
|
Esclargiz est li vespres* e li jurz,
|
*Éclairci est le soir.
|
Cuntre le soleil reluisent cil adub*,
|
*Ces armes.
|
Osbercs e helmes i getent g[rant fl]a[m]bur*,
|
*Éclat, lueur.
|
E cil escuz ki ben sunt peinz à flurs,
|
|
E cil espiez*, cil oret** gunfanun.
|
*Et ces épieux. **Dorés.
|
Li emperères cevalchet par irur*,
|
*Chevauche avec chagrin.
|
E li Franceis dolenz e curius* ;
|
*Peinés et soucieux.
|
N'i ad celoi ki durement ne plurt*,
|
*N'y a personne qui rudement ne pleure.
|
E de Rollant sunt en [mult] grant poür.
|
|
Li reis fait prendre le cunte Guenelun,
|
|
Si l'cumandat as cous* de sa maisun ;
|
*Et le recommanda aux cuisiniers.
|
Tut li plus maistre en apelet Besgun :
|
|
« Ben le me guarde, si cume* tel félon
|
*Attendu que.
|
De ma maisnée* ad faite traïsun. »
|
*Maison.
|
Cil le receit, si met* .c. cumpaignons
|
*Celui-là le reçoit, et met.
|
De la quisine, des mielz et des pejurs* ;
|
*Des meilleurs et des pires.
|
Icil li peilent la barbe e les gernuns*
|
*Moustache.
|
Cascun le* fiert .iiii. colps de sun puign.
|
*Frappe quatre coups de son poing.
|
Ben le batirent à fuz* e à bastuns,
|
*Morceaux de bois, fustes.
|
E si li metent el col un caeignum*,
|
*Chaîne.
|
Si l'encaeinent altresi cum un urs* ;
|
*Et l'enchaînent ainsi qu'un ours.
|
Sur un sumer* l'unt mis à déshonor,
|
*Sommier, cheval de charge.
|
Tant le guardent que l'rendent à Charlun. [AOI.]
|
|
CXXXVIII.
|
Halt sunt li pui* e ténébrus e grant,
|
*Montagnes.
|
Li val parfunt e les ewes curant.
|
|
Sunent cil graisle* e derère e devant,
|
*Clairons.
|