| Ço dist li reis : « Sunez en vostre corn. » AOI.
|
|
CCXII.
|
| Gefreid d'Anjou ad sun greisle* sunet :
|
*Clairon.
|
| Franceis descendent, Carles l'ad comandet.
|
|
| Tuz lur amis qu'il i unt morz truvet,
|
|
| Ad un carner sempres* les unt portet.
|
*Sur-le-champ.
|
| Asez i ad évesques e abez,
|
|
| Muines, canonies, proveires coronez*,
|
*Prêtres tonsurés.
|
| Si 's unt asols e seignez* de part Deu ;
|
*Ils les ont absous et signés.
|
| Mirre e timoine* i firent alumer,
|
*Myrrhe et antimoine.
|
| Gaillardement tuz les unt encensez,
|
|
| A grant honor pois* les unt enterrez,
|
*Puis.
|
| Si ' s* unt laisez : qu'en fereient-il el** ? AOI.
|
*Et les. **Autrement.
|
CCXIII.
|
| Li emperère fait Rollant costéir*
|
*Embaumer.
|
| E Oliver e l'arcevesque Turpin,
|
|
| Devant seil les ad fait tuz uverir,
|
|
| Et tuz les quers en paile* recuillir.
|
*Étoffe de prix.
|
| Un blanc sareau de marbre sunt enz* mis,
|
*En un blanc cercueil de m. sont.
|
| E puis les cors des barons si unt pris,
|
|
| En quirs de cerf les seignurs [si] unt mis ;
|
|
| Ben sunt lavez de piment* e de vin.
|
*Espèce de liqueur.
|
| Li reis cumandet Tedbalt e Gebuin,
|
|
| Milun le cunte e Otes le marchis ;
|
|
| En .iii. carettes très-ben les [unt] guiez*.
|
*Guidés, conduits.
|
| Bien sunt cuverz d'un palie galazin*. AOI.
|
*D'une étoffe de Galatz.
|
CCXIV.
|
| Venir s'en volt* li emperère Carles
|
*S'en voulut.
|
| Quant de paiens li surdent les enguardes*.
|
*Lui arrivent les avant-gardes.
|
| De cels devant i vindrent dui messages*,
|
*Y vinrent deux messagers.
|
| Del amiraill i nuncent la bataille* :
|
*De l'émir y annoncent le bataillon.
|
| « Reis orguillos, n'en est fins que t'en alges*.
|
*N'est pas beau que t'en ailles.
|
| Veiz Baligant ki après tei chevalchet ;;
|
|
| Granz sunt les oz* qu'il ameinet d'Arabe**.
|
*Troupes. **D'Arabie.
|
| Encoi* verrum se tu as vasselage**. »
|
*Aujourd'hui. **Bravoure.
|
