| Li arcevesque prozdom* e essaiet ;
|
*Prud'homme, brave.
|
| Li uns ne volt l'altre nient* laisser :
|
*Nullement.
|
| En la grant presse i fièrent* as paiens.
|
*Frappent.
|
| Mil Sarrazins i descendent à piet,
|
|
| E à cheval sunt .xl.* millers.
|
*Quarante.
|
| Men escientre, ne's osent aproismer* ;
|
*Mon escient, ne les osent approcher.
|
| Il lor lancent e lances e espiez*
|
*Épieux.
|
| Wigres e darz, museras e gieser* ;
|
*Wigres, gieser, espèces d'armes. - Le Ms d'Oxford ajoute e agiez.
|
| As premers colps i unt ocis Gualter.
|
|
| Turpins de Reins tut sun escut percet,
|
|
| Quasset sun elme, si l'unt naffret el chef*,
|
*Blessé à la tête.
|
| E sun osberc rumput e desmailet*,
|
*Démaillé.
|
| Parmi le cors naffret de .iiii. espiez* ;
|
*Épieux.
|
| De desuz lui ocient sun destrer.
|
|
| Or est grant doel quand l'arcevesque chiet*. AOI.
|
*Choit, tombe.
|
CLV.
|
| Turpins de Reins quanr se sent abatut,
|
|
| De .iiii. espiez* parmi le cors férut,
|
*Blessé de quatre épieux.
|
| Isnelement le ber* resailit sus ;
|
*Promptement le baron.
|
| Rollant reguardet, puis si li est curut* ;
|
*Puis à lui est couru.
|
| E dist un mot : « Ne sui mie vencut ;
|
|
| Jà bon vassal n'en ert vif recréut*. »
|
*Jamais bon guerrier ne sera vif réduit à s'arrêter.
|
| Il trait Almace s'espée* de acer brun,
|
*Il tire A. son épée.
|
| En la grant presse mil colps i fiert* e plus ;
|
*Frappe.
|
| Puis le dist Carles, qu'il n'es espairgnat* nul ;
|
*Épargna.
|
| Tels .iiii. cenz i troevet* entur lui,
|
*Trouve
|
| Alquanz nafrez, alquanz parmi férut*,
|
*Aucuns blessés, aucuns à travers frappés.
|
| Si out d'icels* ki les chefs unt perdut :
|
*Et (il) y eut d'iceux.
|
| Ço dist la geste* e cil ki el camp fut,
|
*La chronique.
|
| Li ber Gilie por Deus fait vertuz*,
|
*Miracles.
|
| E fist la chartre el muster de Loüm*.
|
*Au monastère de Laon.
|
| Ki tant ne set ne l'ad prod* entendut. [AOI.]
|
*Prou, assez.
|
CLVI.
|
| Li quens Rollans genteme[n]t* se cumbat ;
|
*Noblement.
|
| Mais le cors ad tressuet e mult chalt*,
|
*En sueur et très-chaud.
|
| En la teste ad e dulor e grant mal,
|
|
| Rumput est li temples* por ço que il cornat ;
|
*La tempe.
|
