Pur que[i] jo quis* sa mort e sun destreit** ;
|
*C'est pourquoi je cherchais. **Mal.
|
Mais traïsun nule n'en i otrei*. »
|
*Octroie.
|
Respundent Franc : « Ore en tendrum cunseill. » [AOI.]
|
|
CCLXXVII.
|
Devant le rei là s'estut* Guenelun :
|
*Se tint.
|
Cors ad gaillard, el vis* gente color ;
|
*Au visage.
|
S'il fust leials*, ben resemblast barun.
|
*Loyal.
|
Veit cels de France e tuz les jugéurs,
|
|
De ses parenz .xxx. ki od lui sunt,
|
|
Puis s'escriat haltement à grant voeiz :
|
|
« Pur amor Deu ! car m'entendez, barons.
|
|
Seignors, jo fui* avoec l'emperéur,
|
*Je fus.
|
Serveie-le par feid* e par amur.
|
*Foi.
|
Rollans sis niés me coillit en haür*,
|
*Son neveu me prit en haine.
|
Si* me jugat à mort e à dulur.
|
*Et.
|
Message fui* al rei Marsiliun,
|
*Je fus messager.
|
Par mun saveir vinc-jo à guarisun*,
|
*Vins-je à salut.
|
Jo desfiai Rollant le poigneor*
|
*Combattant.
|
E Oliver e tuz lur cumpaignun :
|
|
Carles l'oïd e si nobilie* baron.
|
*L'ouit et ses nobles.
|
Venget m'en sui, mais n'i ad traïsun. »
|
|
Respundent Francs : « A conseill en irums. » [AOI.]
|
|
CCLXXVIII.
|
Quant Guenes veit que ses granz plaiz* cumencet,
|
*Procès.
|
De ses parenz ensemble i out trente.
|
*Il y eut.
|
Un en i ad à qui li altre entendent :
|
|
Ço est Pinabel des castel de Sorence,
|
|
Ben set parler e dreite raisun rendre,
|
|
Vassals est bons por ses armes défendre. [AOI]
|
|
CCLXXIX.
|
Ço li dist Guenes : « En vos, ami [, me fie].
|
|
Getez-mei hoi* de mort e de calunie**. »
|
*Hui, aujourd'hui. **Réclamation, accusation.
|
Dist Pinabel : « Vos serez guarit sempres*,
|
*Sauvé tout de suite.
|
N'i ad France[i]s ki vos juget* à pendre,
|
*Juge, condamne.
|