| E Daniel del merveillus turment
|
|
| Enz en la fosse des léons o fut enz*,
|
*Dedans.
|
| Les .iii. enfanz tut en un fo[r]n* ardant.
|
*Four, fournaise.
|
| La tue amurs me seit hoi* en présent.
|
*Ton amour me soit aujourd'hui.
|
| Par ta mercit, se tei plaist, me cunsent
|
|
| Que mun nevold poïs* venger, Rollant. » [AOI.]
|
*Puisse.
|
CCXXVII.
|
| Cum ad oret si se drecet en estant*,
|
*Quand a prié il se dresse en (son) séant.
|
| Seignat sun chef de la vertut poisant* ;
|
*Puissante.
|
| Muntet li reis en sun cheval curant,
|
|
| L'estreu* li tindrent Neimes e Jocerans,
|
*L'étrier.
|
| Prent sun escut e sun espiet* trenchant ;
|
*Épieu.
|
| Gent ad le cors, gaillart e ben séant,
|
|
| Cler le visage e de bon cuntenant* :
|
*Contenance.
|
| Puis si chevalchet mult afichéément*.
|
*Résolûment.
|
| Sunent cil greisle* e derère e devant ;
|
*Clairon.
|
| Sur tuz les altres bundist* li olifant.
|
*Résonne.
|
| Plurent Franceis pur pitet* de Rollant. [AOI.]
|
*Par pitié.
|
CCXXVIII.
|
| Mult gentement* li emperère chevalchet.
|
*Très-noblement.
|
| Desur sa bronie fors* ad mise sa barbe ;
|
*Dessus sa cuirasse dehors.
|
| Pur sue amor altretel* funt li altre :
|
*Pour son amour pareillement.
|
| Cent milie Francs en sunt reconoisable ;
|
|
| Passent cez puis* e cez roches plus haltes
|
*Ces montagnes.
|
| E cez parfunz valées, cez destreiz anguisables* ;
|
*Ces défilés pénibles.
|
| Issent des porz et de la tere guaste*,
|
*Stérile.
|
| Devers Espaigne sunt alez en la marche*,
|
*Frontières.
|
| En un emplein* unt prise lur estage**.
|
*Plaine. **Position.
|
| A Baligant repairent ses enguardes*,
|
*Reviennent ses avant-gardes.
|
| Uns Sulians* li ad dit sun message :
|
*Un Syrien.
|
| « Véud avum* li orguillus reis Carles.
|
*Vu avons.
|
| Fiers sunt si hume, n'unt talent* qu'il li faillent ;
|
*Désir, intention.
|
| Adubez-vus : sempres averez* bataille. »
|
*Armez-vous ; incontinent aurez.
|
| Dist Baligant : « Or oi grant vasselage*.
|
*Maintenant, j'entends grand'prouesse.
|
| Sunez vos graisles, que mi paien le sace[n]t. » [AOI.]
|
|
