Fust-i li reis, ni oüsum damage*.
|
*N'y eussions dommage.
|
Guardez amunt devers* les porz d'Espaigne,
|
*Regardez en amont vers.
|
Veier poez ; dolente* est l'arère-guarde.
|
*Voir pouvez, triste.
|
Ki ceste fait, jà mais n'en ferat altre*. »
|
*Autre.
|
Respunt Rollant : « Ne dites tel ultrage*.
|
*Exagération.
|
Mal seit del coer ki el piz se cuardet* !
|
*Mauvais soit du coeur qui en la poitrine se montre couard.
|
Nus remeindrum en estal* en la place ;
|
*Nous resterons debout.
|
Par nos i ert e li colps e li caples*. » AOI.
|
*Par nous y sera et le coup et le combat.
|
LXXXVIII.
|
Quant Rollans veit que la bataille serat,
|
|
Plus se fait fiers que léon ne leupart ;
|
|
Franceis escriet, Oliver apelat :
|
|
« Sire cumpainz amis, ne l'dire jà*.
|
*Sire compagnon ami, n'en parlez plus.
|
Li emperère ki Franceis nos laisat,
|
|
Itels .xx. milie* en mist à une part ;
|
*Tels vingt mille.
|
Sun escientre*, en i out un cuard.
|
*Son escient.
|
Pur sun seignur deit-hom* susfrir granz mals,
|
*Doit-on.
|
E endurer e forz freiz e granz chalz* ;
|
*Chauds.
|
Si'n deit hom* perdre del sanc e de la char**,
|
*Et doit-on. **Chair.
|
Fier* de lance e jo de Durendal,
|
*Frappe.
|
Ma bone espée que li reis me dunat.
|
|
Se jo i moere*, dire poet ki l'averat**
|
*Si j'y meurs. **Qui l'aura.
|
E purrunt dire que ele fut à noble vassal. » AOI.
|
|
LXXXIX.
|
D'altre part est li arcevesques Turpin,
|
|
Sun cheval broche* e muntet un lariz** ;
|
*Éperonne. **Lande.
|
Franceis apelet, un sermun lur ad dit :
|
|
« Seignurs baruns, Carles nus laissat ci.
|
|
Pur nostre rei devum-nus ben murir ;
|
|
Chrestientet aidez à sustenir.
|
|
Bataille averez, vos en estes tus fiz* ;
|
*Tous sûrs.
|
Kar à voz oilz veez* les Sarrazins.
|
*Car avec vos yeux voyez.
|
Clamez vos culpes*, si preiez Deu mercit,
|
*Confessez vos fautes, et priez Dieu (qu'il vous fasse) miséricorde.
|
Asoldrai-vos pur vos anmes guarir*?
|
*(Je) vous absoudrai pour garantir vos âmes.
|
Se vus murez, esterez* seinz martirs ;
|
*Serez.
|
Siéges averez el greignor paréis*. »
|
*Au plus grand paradis.
|