La Chanson de Roland/Francisque Michel/1869/Roland/Page 40

Chanson de Roland, laisses XCVII à CI

La Chanson de Roland - Francisque Michel - 1869
La chanson de Roland et le roman de Roncevaux des XII^e et XIII^e siècles
Préface - La Chanson de Roland - Le Roman de Roncevaux (Châteauroux, Paris), Concordances
39

40

41

Cette page contient, pour le manuscrit d'Oxford :

la fin de laisse XCVII (XCVI dans le manuscrit) ;
la laisse XCVIII (XCVII) ;
la laisse XCIX (XCVIII) ;
la laisse C (XCIX) ;
le début de la laisse CI (C) ;

Le texte

<= XCVII (fin)
Que mort l'abat el camp pleine sa hanste*.	*Sur le champ sa pleine lance.
Dist Oliver : « Gente est notre bataille. » [AOI.]
XCVIII. ( => O. )
Sansun li dux vait férir l'almacur*,	*Va frapper le connétable sarrasin.
L'escut li freint* ki est à flurs et ad or ;	*Brise.
Li bons osbercs ne li est guarant prod* :	*Ne le protège pas assez.
Trenchet-li le coer, le firie* et le pulmun,	*Le foie.
Que l'abat, qui qu'en peist et qui nun*.	*Qui qui en soit chagrin ou non.
Dist l'arcevesque : « Cist colp* est de baron. » [AOI.]	*Ce coup.
XCIX. ( => O. )
E Anséis laiset le cheval curre*,	*Courir.
Si vait férir* Turgis de Turteluse ;	*Et va frapper.
L'escut li freint desus l'orée bucle*,	*Dessous le bouton doré.
De sun osberc li dérumpit* les dubles,	*Rompit.
Del bon espiet el cors li met l'amure** ;	Épieu. *La lame.
Empeinst-le ben, tut le fer li mist ultre*.	Il l'enfonce bien. *Outre.
Pleine sa hanste* el camp mort le tresturnet.	Lance. *Retourne.
Ço dist Rollans : « Cist colp* est de produme. » [AOI.]	*Ce coup.
C. ( => O. )
E Engelers li Guascuinz de Burdele*	*Le Gascon de Bordeaux.
Sun cheval brochet, si li laschet* la resne ;	*Éperonne et lui lâche.
Si vait férir* Escremiz de Valterne,	*Et va frapper.
L'escut del col li freint e escantelet*,	*Brise et met en morceaux.
De sun osberc li rumpit la ventaille*,	*La visière.
Si l'fiert el piz entre les dous furceles*,	*Et le frappe en la poitrine entre les deux clavicules.
Pleine sa hanste* l'abat mort de la sele,	*Lance.
Après li dist : « Turnet estes à perdre*. » AOI.	*Venu (vous) êtes à perte.
CI. ( => O. )
E Gualter fie[r]t un paien Estorgans*	*D'Astorga.
Sur sun escut en la pene* devant,	*Bordure.
Que tut li trenchet le vermeil e le blanc ;
De sun osberc* li ad rumput les pans ;	*De son haubert.