La Chanson de Roland/Francisque Michel/1869/Roland/Page 71

Chanson de Roland, laisses CLXXI à CLXXIII

La Chanson de Roland - Francisque Michel - 1869
La chanson de Roland et le roman de Roncevaux des XII^e et XIII^e siècles
Préface - La Chanson de Roland - Le Roman de Roncevaux (Châteauroux, Paris), Concordances
70

71

72

Cette page contient, pour le manuscrit d'Oxford :

la fin de la laisse CLXXI (numéroté CLXX dans Wicri) ;
la laisse CLXXII (CLXXI) ;
le début de la laisse CLXXIII (CLXXII).

Le texte initial

CLXXII.
E ! Durendal bone, si mare fustes* !	*À la malheure tant fûtes(-vous).
Quant jo n'ei prod*, de vos n'en ai mès cure.	*Quand je n'ai profit.
Tantes batailles en camp* en ai vencues	*En champ.
Et tantes teres larges escumbatues*	*Disputées en cambattant.
Que Carles tient, ki la barbe ad canue* !	*Chenue.
Ne vos ait hume ki pur altre fuiet*.	*Qui pour autre fuie.
Mult bon vassal vos ad lung tens tenue ;
Jamais n'ert tel en France la solue*. [AOI.]	*Libre.
Rollans férit el perrun de sardonie* ;	*Sardoine.
Cruist* li acer, ne briset ne n'esgrunie**.	Grince. *Ne s'ébrèche.
Quant il ço vit que n'en pout mie freindre*,	*Ne put la briser.
A sei-méisme la cumencet à pleindre :
« E ! Durendal, cum es e clere e blanche !
Cuntre soleill si luises e reflambes* !	*Flamboies.
Carles esteit ès vals* de Moriane	*Dans les vallées.
Quant Deus del cel li mandat par sun [a]ngle*	*Ange.
Qu'il te dunast à un conte cataigne*.	*Capitaine.
Dunc la me ceinst* li gentilz reis, li magnes** ;	Ceignit. *Le grand.
Jo l'en cunquis [e] Namon e Bretaigne,
Si l'en cunquis e Peitou e le Maine,
Jo l'en cunquis Normendie la franche,
Si l'en cunquis Provence e Equitaigne*	*Aquitaine.
E Lumbardie e trestute Rormaine*,	*Romagne, campagne de Rome.
Jo l'en cunquis Baiver* e tute Flandres	*Bavière.
E Burguigne e trestute Puillanie*,	*Pouille.
Costentinnoble, dunt il out la fiance*,	*L'hommage.
E en Saisonie* fait-il ço qu'il demandet ;	*Saxe.
Jo l'en cunquis e Escoce, Guales, Islonde,
E Engleterre qui il teneit* sa cambre ;	*Sous-entendez pour.
Cunquis l'en ai païs e teres tantes
Que Carles tient, ki ad la barbe blanche.
Pur ceste espée ai dulor e pesance*,	*Chagrin.
Mielz voeill murir qu'entre paiens remaigne*.	*Reste.
Deus père, n'en laiset* hunir France ! » [AOI.]
CLXXIII.
Rollans férit en une pierre bise*,	*Grise.
Plus en abat que ne vos sai dire.