Chanson de Roland/Manuscrit d'Oxford/Laisse CLXXVII

Cette page introduit la laisse CLXXVII (177) en suivant l'organisation propre au manuscrit d'Oxford.

Dans le manuscrit d'Oxford

La laisse commence sur le feuillet 44 recto du manuscrit.

Elle démarre sur une lettrine I.

Elle est numérotée

CLXXVIII
Il n'en i ad chevaler ne barun
Que de pitet mult durement ne plurt* ;	*Ne pleure.
Plurent lur filz, lur frères, lur nevolz
E lur amis e lur lige-seignurs ;
Encuntre tere se pasment li plusur.
Naimes li dux d'iço ad fait que proz*,	*N. le duc en cela s'est conduit en preux.
Tuz premereins l'ad dit* l'emperéur :	*Tout d'abord (il) l'a dit à.
« Veez avant* de dous liwes** de nus,	Voyez. * Lieues.
Veer* puez les granz chemins puldrus**,	Pouvez. * poudreux.
Qu'asez i ad de la gent paienur*.	*Car assez y a du monde païen.
Car chevalchez, vengez ceste dulor. »
— « E Deus ! Dist Carles, jà sunt-il jà si luinz ;
Cunseilez-me e dreit[ture] e honur ;
De France dulce m'unt tolud* la flur. »	*Enlevé.
Li reis cumandet Geluun e Otun,
Tedbalt de Reins e le cunte Milun :
« Guardez le champ e les vals e les munz,
Lessez gésir les morz tut cun il sunt,
Que n'i adeist* ne beste ne lion,	*Touche (subj.).
Ne n'i adeist esquier ne garçun* ;	*Garçon, valet.
Jo vus défend que n'i adeist nuls hom
Josque Deus voeile* que en cest camp revengum.** »	Jusqu'a ce que Dieu veuille. * Champ revenions.
E cil respundent dulcement par amur :
« Dreiz emperère, cher sire, si ferum*. »	*Ainsi ferons.
Mil chevaler i retenent des lur. AOI.

Sur ce wiki :