La Chanson de Roland/Léon Gautier/Édition populaire/1895/Appendices/1
Sommaire
Facsimilés
|
|
|
|
|
 |
|
|
|
|
 |
|
|
|
|
 |
|
|
|
|
 |
|
Fragments du texte original
Le conseil de Charlemagne
Vers 96 - 365
96 ->
| Li Emperere se fait e balt e liet : | ||
| Cordres ad prise e les murs peceiez, | ||
| Od ses cadables les turs en abatiet. | ||
| Mult grant eschec en unt si chevaler | ||
| D’or e d’argent e de guarnemenz chers. | ||
| En la citet nen ad remés paien | ||
| Ne seit ocis u devient chrestiens. | ||
| Li Emperere est en un grant vergier, | ||
| Ensembl’od lui Rollanz e Olivers, | ||
| Sansun li dux e Anséis li fiers, | ||
| Gefreis d’Anjou li reis gunfanuners ; | ||
| E si i furent e Gerins e Gerers : | ||
| Là ù cist furent, des altres i out bien. | ||
| Asez i out des barbez e des vielz | [NDLR 1] | |
| Des Francs de France i ad quinze milliers. | [NDLR 2] | |
| Sur palies blancs siedent cil chevaler, | ||
| As tables juent pur els esbaneier, | ||
| E as eschecs li plus saive e li veill ; | ||
| E escremissent cil bacheler leger. | ||
| Desuz un pin, delez un eglenter, | ||
| Un faldestoed i out, fait tut d’or mer, | ||
| Là siet li reis ki dulce France tient ; | ||
| Blanche ad la barbe e tut flurit le chef, | ||
| Gent ad le cors e le cuntenant fier. | ||
| S’est ki l’demandet, ne l’estoet enseigner. | ||
| E li message descendirent à pied, | ||
| Si l’saluèrent par amur e par ben. | Aoi |
Fin brute d'OCR
APPENDICE I 34o
ce E! gentilz hum, chevaliers de bon aire,
« Hoi te eu niant à F Glorius céleste ;
« Jamais n'iert hum pins volentiers le servet.
« Dès les Apostles ne fut mais tels prophète
« Pur lei tenir e pur humes atraire.
« Ja la vostre anme nen ait doel ne suffraite!
« De Pareïs li seit la porte u verte ! » Agi.
Ço sent Rollanz que la mort li est près :
Par les oreilles fors en ist li cervels.
De ses pers priet à Dieu que les apelt,
Et pois de lui à F angle Gabriel.
Prist l'olifant, que reproece n'en ait,
E Durendal s'espée en l'altre main.
Plus qu' arbaleste ne poet traire un quarrel ,
Devers Espaigne en vait en un guaret.
En sum un tertre, desuz doits arbres bels,
Quatre perruns i ad de marbre faiz.
Sur F herbe verte si est caeiz envers ;
Là s'est pasmez : kar la mort lui est près. Aoi.
Hait sunt li pui e mult hait sunt li arbre.
Quatre perruns i ad, luisanz de marbre.
Sur l'herbe verte li quens Piollanz se pasmet.
Uns Sarrazins tute veie l'esguardet ;
Si se feinst mort, si gist entre les altres.
De sanc luat sun cors e sun visage ;
Met sei sur piez e de curre se hastet.
Bels fut e forz e de grant vasselage.
Par sun orgoill cumencet mortel rage,
Rollant saisit e sun cors et ses armes,
E dist un mot : « Vencuz est li niés Carie.
« Iceste espée porterai en Arabe. »
Prist V en sun puign . Rollant tirât la barbe :
En cel tirer, li Quens s'apeivut alques. Aoi.
Ço sent Rollanz que s'espée li toit, Uvrit les oilz , si li ad dit un mot : « Mien escientre, tu n'ies mie des noz! » Tient l'olifant qu' unkes perdre ne volt, Si F liert en Fhelme ki gemmez fut ad or,
346 LA CHANSON DE ROLAND
Fruisset l'acier e la teste e les os,
Ambsdous les oilz de 1' chief li ad mis fors ,
Jus à ses piez si l'ad tresturnet mort ;
Après, li dit : « Culverz, cum fus si os
« Que me saisis, ne à dreit ne à tort?
« Ne l'orrat hum ne t'en tienget pur fol.
« Fenduz en est mis olifant el' gros ,
« Ça jus en est li cristals e li ors. » Aoi.
Ço sent Pvollanz que la mort si Varguet,
Met sei sur piez, quanqu'il poet s'esvertuet;
De sun visage la culur ad perdue.
Tient Durendal s' espée tute nue :
Dedevant lui ad une pierre brune ;
Dis colps i fiert par doel e par rancure :
Cruist li aciers, ne freint ne ne s'esgruniet;
E dist li Quens : « Seinte Marie , aïue !
« E ! Durendal , bone , si mare fastes !
« Quant jo me part de vus, n'en ai mais cure.
« Tantes batailles en camp en ai vencues
« E tantes teres larges escumbatues,
« Que Caries tient, ki la barbe ad canue!
ce Ne vus ait hum ki pur altre s'en fuiet!
« A mun vivant ne nie serez tolue.
« Mult bons vassals vus ad lung tens tenue :
« Jamais n'iert tels en France l'asolue. » Aoi.
Rollanz ferit el' perrun de sartanie.
Cruist li aciers, ne briset ne n'esgraniet.
Quant il ço vit que n'en pout mie fraindre,
A sei méisme la cumencet à plaindre :
« E ! Durendal, cum ies e clere e blanche!
u, Cuntre soleill si reluis e reflambes!
« Caries esteit es vais de Moriane,
« Quant Deus de 1' ciel li mandat par sun angle
« Qu'il te dunast à un cunte catanie ;
« Dune la me ceinst li gentilz reis, li magnes.
« Jo l'en cunquis e Anjou e Bretaigne;
« Jo l'en cunquis e Peitou e le Maine ;
« Jo l'en cunquis Normendie la franche ;
« Si l'en cunquis Provence e Aquitaigne
a E Lumbardie e trestute Ro manie ;
APPENDICE I 347
Jo l'en cunquis Baivière e tute Flandre,
E Buguerie e trestute Puillanie,
Constentinnoble, dunt il out la fiance :
E en Saisunie fait il ço qu'il demandet.
Jo l'en cunquis Escoce, Guales, Irlande
E Engletere que il teneit sa cambre.
Cunquis l'en ai pais e teres tantes,
Que Caries tient, ki ad la barbe blanche!
Pur ceste espée ai dulur e pesance :
Mielz voeill mûrir qu'entre païens remaignet.
Damnes Ueus père, n'en laissier hunir France! » Aoi.
Rollanz ferit en une pierre bise :
Plus en abat que jo ne vus sai dire.
L'espée cruist, ne fruisset ne ne briset,
Cuntre le ciel amunt est resortie.
Quant veit li Quens que ne la freindrat mie,
Mult dulcement la pleins! à sei meïsme :
« E! Durendal, cura ies bêle e seintisme!
« En l'orie punt asez i ad reliques :
c< Un dent seint Pierre e de Y sanc seint Basilic .
« E des chevels mun seignur seint Denise ;
« De 1' vestement i ad seinte Marie.
« II nen est dreiz que paien te baillisent :
« De chrestiens devez estre servie.
(( Taules batailles de vus a vrai féales,
« Mult larges teres de vus avrai cunquises
« Que Caries tient, ki la barbe ad flurie,
<( E 1' Emperere en est e ber e rie lies.
(( Ne vus ait hum ki facet cuardie!
« Deus, ne laissier que France en seit hwùe ! » Aoi.
Ço sent Rollanz que la mort l'entreprent :
Jus de la teste sur le coer li descent.
Desuz un pin i est alez curant :
Sur l'herbe verte s'i esl culcbiez adenz :
Desuz lui met s'espée e l'olifant.
Turnat sa teste vers la paiene gent :
Pur ço l'ad fait que il voelt veiremenl
Que Caries diet e trestute sa genl ,
Li gentilz quens, qu'il fut morz cunquerant.
Cleimet sa culpe e menul e suvent.
348 LA CHANSON DE ROLAND
Pur ses pecchiez Deu puroffrit le guant :
Le Angle Deu le pristrent erraument. Aoi.
Ço sent Rollanz de sun tens n'i ad plus ;
Devers Espaigne gist en un pui agut.
A 1' une main si ad sun piz batut :
« Deus ! meie culpe par la tue vertut,
« De mes pecchiez , des granz e des menuz ,
« Que jo ai fait dès l'ure que nez lui
« Tresqu'à cest jur que ci sui consoùz! »
Sun destre guant en ad vers Deu tendut :
Angle de 1' ciel i descendent à lui. Aoi.
Li quens Rollanz se jut desuz un pin :
Envers Espaigne en ad turnet sun vis...
De plusurs choses à remembrer li prist :
De tantes teres que li ber ad cunquis,
De dulce France, des humes de sun lign,
De Carlemagne, sun seignur, ki 1' nurrit,
E des Franceis dunt il esteit si fiz.
Ne poet muer n'en plurt e ne suspirt.
Mais lui meïsme ne voelt mètre en ubli ;
Cleimet sa culpe, si priet Deu mercit :
« Veire paterne, ki unkes ne mentis,
« Seint Lazarun de mort resurrexis
« E Daniel des leuns guaresis,
« Guaris de mei l'anme de tuz perilz
a Pur les pecchiez que en ma vie fis ! »
Sun destre guant à Deu en puroffrit,
E de sa main seinz Gabriel l'ad pris.
Desur sun braz teneit le chief enclin :
Juintes ses mains est alez à sa fin.
Deus II tramist sun angle chérubin ,
Seint Raphaël, seint Michiel de 1' Péril.
Ensemble od els seinz Gabriel i vint.
L'anme de 1' Cunte portent en Pareïs. Aoi.
APPENDICE I 349
IV
L'ORAISON FUNÈBRE (Vers 2845-2944)
A P matinet, quant primes apert P alite;
Esveilliez est H emperere Caries.
Seinz Gabriel, ki de par Don le guardet,
Lievet sa main, sur lui fait un signacle.
Li Reis se drecet, si ad rendu t ses armes :
Si se desarment par iule Post li altre.
Pois, sunt muntet, par grant vertut chevalchent
Cez veies lunges c cez chemins mult larges :
Li vunt vedeir le merveillus damage
En Rencesvals, là ù fut la bataille. Aoi.
En Rencesvals en est Caries entrez :
Des morz qu'il troevet cumencet à plurer.
Dist as Franceis : « Seignurs , le pas tenez ;
« Kar mei meïsme estoet avant aler
« Pur mun nevuld que vuldreie truver.
(( Ad Ais esteie, ad une feste anel :
« Si se vantèrent mi vaillant bacheler
« De granz batailles, de forz esturs camjoels ;
« D'une raisun oï Rollant parler :
« Ja ne murreit en estrange regnet
« Ne trespassat ses humes e ses pers :
« Vers lur pais avreit sun chief turnet,
« Cunquerrantment si finereit li ber. »
Plus qu'hum ne poet un bastuncel geter,
Devant les altres est en un pui munlez. Aôi.
Quant PEmperere vait querre sun nevuld . De tantes herbes eP prêt truvat les flurs, Ki sunt vermeilles de P sanc de noz baruns : Pitiet en ad , ne poet muer n'en plurt. Desuz doiis arbres parvenuz esl amunt; Les colps Rollant conul en treis perruns. Sur l'herbe verte veil gésir sun nevuld :
350 LA CHANSON DE ROLAND
Nen est merveille se Caries ad irur.
Descent à pied, alez i est plein curs,
Si prent le Cunte entre ses mains ambsdous,
Sur lui se pasmet, tant par est anguissus. Aoi.
Li Emperere de pasmeisun revint.
Naimes li dux e li quens Acelins,
Gefreiz d'Anjou e sis frère Tierris
Prennent le Rei, si 1' drecent suz un pin.
Guardet à tere, veit sun nevuld gésir.
Tant dulcement à regretter le prist :
« Amis Rollanz, de tei ait Deus mercit!
a Unkes nuls hum tel chevalier ne vit
« Pur granz batailles juster e détenir.
« La meie honur est turnée en déclin. »
Caries se pasmet, ne s'en pout astenir. Aoi.
Caries li reis revint de pasmeisun ;
Par mains le tiennent quatre de ses baruns.
Guardet à tere , veit gésir sun nevuld ;
Cors ad gaillard, perdue ad sa culur,
Turnez ses oilz, mult li sunt tenebrus.
Caries le pleint par feid e par amur :
« Amis Rollanz, Deus metet t'anme en flurs,
« En pareïs, entre les glorius!
« Cum en Espaigne venis à mal seignur!
« Jamais n'iert jurz de tei n'aie dulur.
« Cum decarrat ma force e ma baldur !
« N'en avrai ja ki sustienget m'honur ;
« Suz ciel ne quid aveir ami un sul.
« Se j'ai parenz, nen i ad nul si prud. »
Trait ses crignels pleines ses mains ambsdous ,
Sur lui se pasmet tant par est anguissus :
Cent milie Franc en unt si grant dulur
Nen i ad cel ki durement ne plurt. Aoi.
« Amis Rollanz , jo m'en irai en France.
« Cum jo serai à Loùn, en ma cambre,
« De plusurs règnes viendrunt li hume estrange.
« Demanderunt ù est li Quens catanies :
(( Jo lur dirrai qu'il est morz en Espaigne.
APPENDICE I
351
« A grant dulur tiendrai pois mun reialme :
« Jamais n'iert jurz que ne plur ne m'en pleigne. Aoi.
« Amis Rollanz, prozdum , juvente bêle,
« Cum jo serai ad Ais en ma capele,
« Viendrunt li hume, demanderunt nuveles;
« Je' s lur dirrai merveilluses e pesmes :
« Morz est mis niés, ki tant suleit cunquerre.
« Encuntre mei revelerunt li Seisne
« E Hungre e Bugre e tante gent averse,
« Romain, Puillain e tuit cil de Palerne,
« E cil d'Affrike e cil de Galiferne ;
« Pois, encrerrunt mes peines e mes suffrages.
« Ki guierat mes oz à tel poeste,
« Quant cil est morz ki tuz jurz nus cadelet?
« E! France dulce, cum remeins hoi déserte!
« Si grant doel ai que jo ne vuldreie estre. »
Sa barbe blanche cumencet à de traire,
Ad ambes mains les chevels de sa teste.
Gent milie Franc s'en pasment cuntre tere. Aoi.
« Amis Rollanz, as perdue la vie :
« L'anme de tei en Pareïs seit mise !
« Ki tci ad mort France claire ad h unie.
« Si grant dool ai que ne vuldreie vivre,
« De ma maisniée ki pur mei est oeise.
« Ço me duinst Deus, li filz seintc Marie,
« Einz que jo vienge as maistres porz de Sizre,
« L'anme de 1' cors me seit hoi départie,
« Entre les lui* fust al née e mise,
« E ma car fust delez els enfuie. »
Pluret des oilz, sa blanche barbe tiret.
E dist dux Naimes : « Or ad Caries grant ire... » Aoi.
352 LA CHANSON DE ROLAND
V
MORT DE LA BELLE AUDE (Vers 3705-3734)
Li Emperere est repairiez cTEspaigne
E vient ad Ais, à 1' meillur sied de France.
Muntet el' palais, est venuz en la sale.
As li venue, Aide, une bêle dame.
Go dist à F Rei : « Oust Rollanz li catanies ,
« Ki me jurât cume sa per à prendre? »
Caries en ad e dulur e pesance,
Pluret des oilz, tiret sa barbe blanche :
« Soer, chère amie, d' hume mort me demandes.
« Jo t'en durrai mult esforciet escange :
« Ç' est Loewis, mielz ne sai-jo qu'en parle :
« Il est mis fllz e si tiendrat mes marches. »
Aide respunt : « Cist moz mei est estranges.
« Ne placet Deu ne ses seinz ne ses angles
« Après Rollant que jo vive remaigne ! »
Pert la culur, chiet as piez Garlemagne,
Sempres est morte. Deus ait mercit de l'anme !
Franceis barun en plurent; si la pleignent. Aoi.
Aide la bêle est à sa fin alée.
Quidet li Reis qu'ele se seit pasmée;
Pitiet en ad, si 'n pluret l'Emperere :
Prent la as mains, si F en ad relevée;
Sur les espalles ad la teste clinée.
Quant Caries veit que morte l'ad truvée,
Quatre cuntesses sempres i ad mandées ;
Ad un mustier de nuneins est portée :
La noit la guaitent entresqu'à Fajurnée.
Lune un alter bêlement l'enterrèrent.
Mult grant honur i ad li Reis dunée. Agi.
Li Emperere est repairiez ad Ais...
Voir aussi
- Notes de la rédaction
- ↑ Ce vers figure notamment dans Venise 4, laisse IX, vers 106 (Asà li sunt de vecli et de barber:).
- ↑ Pour le début de ce vers, voir aussi Chanson de Roland/Manuscrit de Châteauroux/Laisse VIII
