Psautier d'Oxford/Psaume 77

Cette page est en phase de création pour des raisons de cohérence des liens dans ce wiki (ou au sein du réseau Wicri). Pour en savoir plus, consulter l'onglet pages liées de la boîte à outils de navigation ou la rubrique « Voir aussi ».

Cette page introduit un travail sur le psaume 77 du Psautier d'Oxford.

Le manuscrit

Le psaume 77 commence à la lettrine E (en rouge) de la page 36.

page 36

page 38

page 37

Une transcription de Francisque Michel

Francisque Michel a réalisé une transcription du Psautier, avec notamment le psaume 77.

PSALMUS LXXVII.

1 Entendez, li miens poples, la meie lei ; enclinez vostre oreille ès paroles de la meie buche.

versets 1 à 10

1 Entendez, li miens poples, la meie lei ; enclinez vostre oreille ès paroles de la meie buche.
2 Je aoverrai en parole la meie buche ; parlerai propositiuns dès le cumencement.
3 Cum granz choses oïmes e cuneumes eles ; e li nostre pere recunterent à nus.
4 Ne sunt repostes des filz d’icels, en altre generatiun.
5 Recuntanz les loenges de nostre Seignur, e les vertuz de lui, e les merveilles de lui que il fist.
6 E suscita testimonie en Jacob, e lei posa en Israel.
7 Cum granz choses il manda à noz peres cuneudes faire iceles choses à lur filz, que cunuisse altre generaciuns.
8 Li fil chi naistrunt e exsurdrunt, recunterunt à lur filz,
9 Pur ce qu’il posent en Deu lur esperance, e ne oblient les ovres Deu, e les cumandemenz de lui exquergent.
10 Que il ne seient fait sicume li peres d’els, generaciuns felunesse e enasprissante,

 

versets 11 à 20

11 Generaciun laquele n’adreceat sun cuer ; e nen est creud ot lui l’espirit de lui.
12 Li fil Effrem entendanz e enveianz arc ; convertid sunt el jurn de bataille.
13 Ne guarderent le testament Deu, e en la lei de lui ne voldrent aler.
14 E oblierent les bienfaiz de lui, lesquels il demustra à els.
15 Devant les peres d’icels fist merveilles en la terre d’Egypte, el camp de Tafneos.
16 Il entrerumpiet la mer, e parmena icels ; establit les ewes ensement cum en bucel.
17 E demena els en la nue del jurn, e tute nuit, en l’enluminement de fu.
18 Il entrerumpiet la pierre el desert, e abevrat els sicume en multe abysme.
19 E forsmenat ewe de la pierre, e demenat sicume fluez les ewes.
20 E aposerent uncore peccher à lui ; en ire commurent l’Altisme en neient ewos liu.

 

versets 21 à 30

21 E tempterent Deu en lur cuers, que il requesissent viandes à lur anemes.
22 E malement parlerent de Deu ; distrent : Dum ne porra Deus aprester table el desert?
23 Kar il ferit la pierre, e decururent ewes, e li doit enunderent.
24 Dum ne porra-il e pain duner, u aprester table à sun pople?
25 Empurice oït nostre Sire, e purluigna ; e fus espris est en Jacob, e ire munta en Israel.
26 Kar il ne creirent en Deu, nen espererent el salvable de lui.
27 E manda as nues desus, e les portes del ciel aovrit.
28 E plut à els manna à mangier, e pain del ciel duna à els.
29 Le pain as angeles manja huem ; viandes enveia à els en abundance.
30 Il tresporta austre del ciel, e mena en sa vertud affricum.

 

versets 31 à 40

31 E plut sur els sicume puldre carz, e sicume gravele de mer oisels empennez.32 E caïrent el milliu des herberges d’els, envirun lur tabernacles.
33 E mangierent e saulé sunt mult, e lur desiderie aporta à els ; ne sunt deceu de lur desiderie.34 Uncore les viandes d’els esteient en la buche d’icels, e l’ire Deu munta sur els
35 E ocist les cras d’els, e les esliz d’Israel empedeçad. [108]36 En trestutes icez choses peccherent uncore, e ne creirent ès merveilles de lui.37 E defirent en vanited les jurz d’els, e les lur ans ot hastement.38 Cum il ocieit els, quereient lui ; e returnowent, e le matin veneient à lui.
39 E remembrerent que Deus ajuere est d’els ; e Deus li altismes rachatere d’els est.40 E amerent lui en lur buche, e en lur langue mentirent à lui.

 

versets 41 à 50

41 Li cuers acertes d’icels ne esteit dreiturers ot lui, ne fedeilz ne sunt oud el testament de lui.42 Mais il est merciables, e propicius sera faiz as pecchez d’icels ; e ne deperdra els.43 E abunda que il desturnast la sue ire ; e ne esprist tute la sue ire.44 E recorda que il car sunt ; espiriz alanz, e ne repairanz.45 Par quantes fiedes purvocherent lui el desert, en ire commurent lui en neient ewos liu?46 E tresturné sunt, e tempterent Deu ; e le saint d’Israel purvocherent.
47 Ne recorderent la main de lui, el jurn elquel il raenst els de la main del travail-lant. [109]48 Sicume il posa en Egypte les suens signes, e les sues merveilles el camp de Tafneos.49 E tresturna en sanc les fluez d’icels, e les pluies d’els, que il ne beussent.50 Enveia en els cinomiam, e manja els ; e raine, e deperdiet els.

 

versets 51 à 60

51 E dune à ruil le fruit d’els, e les lur travalz à salterele.
52 E ocist en grisille les lur vignes, e les moriers d’els en geleda.
53 E livrad à grisille les jumenz d’els, e la lur possessiun à fu.
54 Enveia en els l’ire de la sue indignatiun  ; indignatiun e ire e tribulatiun, enveiemenz par mals angeles.
55 Veie fist à la sente de la sue ire, nen esparnad de la mort des anemes d’icels ; e les jumenz d’els en mort conclust.
56 E ferit chescune chose premier engendrée en la terre d’ Egypte, les primices de tut le travail d’els ès tabernacles de Cham.
57 E tolit sicume oeilles le suen pople, e mena els ensement cume fulc el desert.
58 E demena els en esperance, e ne crenstrent ; e les enemis d’icels covrit la mer.
59 E enmena els el mont de la sue saintificatiun, el mont lequel aquist la destre de lui.
60 E forsgeta de la face d’els les genz, e par sort divisa à els la terre en funel de divisiun.

 

versets 61 à 70

60 E forsgeta de la face d’els les genz, e par sort divisa à els la terre en funel de divisiun.61 E habiter fist ès tabernacles d’els les lignedes d’Israel.62 E tempterent, e purvocherent Deu le haltisme ; e les testimonies de lui ne guarderent.63 E desturnerent sei, e ne guarderent covenant ; ensement cume li pere d’els, sunt tresturned en torcenus arc.64 En ire commurent lui ès lur tertres, e en lur entailledures à envidie lui purvocherent.65 Oït Deus, e despist ; e à neient mult demena Israel.66 E debuta le tabernacle de Sylo, le suen tabernacle ù il habita en humes.67 E livra en caitiveted la vertud d’icels, e la bealted d’els ès mains del enemi.68 E enclost en glaive sun pople, e la sue heredited despist. [111]69 Les juvenceals d’icels manja fus ; e les virgines d’els ne guaimenterent
70 Les sacerdotes d’els en glaive caïrent, e les lur vedves n’esteient deploredes.

 

versets 71 à 78

71 E esveillez est sicume dormanz li Sire, ensement cume bevanz engrutiz de vin.72 E ferit ses enemis ès dederainetez, reproce parmanable duna à els.73 E debuta le tabernacle de Joseph, e la lignede d’Effraïm ne eslist.74 Mais eslist la lignede de Juda, le mont de Syon, lequel il ama.75 E edifia sicume unicorne le suen saint edifice en la terre que il funda en siecles.76 E eslist David le suen serf, susleva lui des fulcs des oeilles ; d’après les fedunanz reçut lui,77 A paistre Jacob le suen serf, e Israel la sue heredited.78 E pout els en l’innocence de lur cuer ; e ès entendemenz de lur mains demenat els.

 

Le verset 51 dans le Trésor de la Langue Française

Voir aussi

Notes