Chanson de Roland (1922) Bédier/Page 2

Laisse I

CARLES li reis, nostre emperere magnes, Set anz tuz pleins ad estet en Espaigne : Tresqu’en la mer cunquist la tere altaigne. N’i ad castel ki devant lui remaigne ; 5Mur ne citet n’i est remés a fraindre, Fors Sarraguce, ki est en une muntaigne. Li reis Marsilie la tient, ki Deu nen aimet. Mahumet sert e Apollin recleimet : Nes poet guarder que mals ne l’i ateignet. aoi.